Monday, April 29, 2019
ដេននី ខ្វាន់ ៖ អាចារ្យ អេ ពូកែតែនិយាយរឿងអត់ប្រយោជន៍ ស្តាប់មិនដឹងរឿងអ្វីសោះ
ភ្នំពេញ ៖ ក្រោយពេលឃ្លីបវីឌីអូនៃការនិយាយរិះគន់របស់ប្រធានវិទ្យុABCគឺអាចារ្យ អេ ទៅលើកំពូលតារាចម្រៀងលោក ព្រាប សុវត្ថិ ថា ជាមនុស្សស្រែៗ ត្រូវបានបែកធ្លាយនៅលើបណ្តាសង្គមហ្វេសប៊ុកភ្លាមៗនោះ បានក្លាយជារឿងដ៏រំជើបរំជួលតាមបណ្តាញផ្សព្វផ្សាយនានាជាមួយពាក្យនិន្ទារិះគន់យ៉ាងច្រើនក៏បាននិងកំពុងបាញ់ស្រោចយ៉ាងខ្លាំងទៅលើក្រុមការងារវិទ្យុABCជាពិសេសគឺអាចារ្យ អេ រហូតមានការទាមទារឲ្យចេញមុខសុំទោសលោក ព្រាប សុវត្ថិ ជាសាធារណៈទៀតផង។
ជាមួយគ្នានេះដែរ បើងាកទៅមើលនៅលើបណ្តាញសង្គមហ្វេសប៊ុករបស់តារាស្រីសិចស៊ីកញ្ញា ដេននី ខ្វាន់ ឯណោះវិញក៏បានបញ្ចេញប្រតិកម្មរិះគន់អាចារ្យ អេ ដែរថា និយាយតែរឿងអត់ប្រយោជន៍មិនដឹងទិសតំបន់។ មិនតែប៉ុណ្ណោះនៅសុខៗស្រាប់តែរិះគន់Idolរបស់នាងគឺលោក ព្រាប សុវត្ថិ ជាមនុស្សស្រែៗទៅវិញ។
តារាសម្តែងកញ្ញា ដេននី ខ្វាន់ បាននិយាយថា លោកអាចារ្យនេះពូកែតែនិយាយរឿងអត់ប្រយោជន៍ស្តាប់មិនដឹងរឿងសោះ និយាយចុះនិយាយឡើងទៅដៀលគេថាស្រែ។ ខ្ញុំចង់ប្រាប់ថា បើដៀលអ្នកស្រែកុំស៊ីស្រូវលឺអត់លោកអាចារ្យ? លោកអាចារ្យនេះ ប្រហែលគិតថា ខ្លួននិយាយអីក៏ត្រូវហើយមើលទៅបានប្រឹងនិយាយម្ល៉េះ។
តារាស្រីកញ្ញា ដេននី ខ្វាន់ បានបន្ថែមទៀតថា គាត់ប្រហែលមិនបានគិតនោះទេថា ការខឹងគេប្រៀបដូចជាការកាន់រងើកភ្លើងទៅគប់កណ្តាលមុខគេចឹង តែអ្នករលាកមុនគេគឺគាត់ហ្នឹងហើយ។ ខ្ញុំអត់មាននិយាយច្រើនទេ មានតែពាក្យមួយម៉ាត់គត់គឺបង ព្រាប សុវត្ថិ ជាIdol របស់ខ្ញុំក៏ដូចជាបងប្អូនខ្មែរមួយចំនួនធំមិនថាស្រែ ឬ ក្រុងនោះទេសុទ្ធតែស្រឡាញ់និងគាំទ្រគាត់។
សូមបញ្ជាក់ផងដែរថា បន្ទាប់ពីផ្ទុះប្រតិកម្មរិះគន់ពីមហាជនលើការប្រើពាក្យសម្តីប្រមាថមាក់ងាយរបស់អាចារ្យ អេ លើតារាចម្រៀងលោក ព្រាប សុវត្ថិ ជាមនុស្សស្រែៗនោះ នាព្រឹកថ្ងៃទី២៦ ខែមករា ឆ្នាំ២០១៧គេសង្កេតឃើញក្រុមការងាររបស់វិទ្យុមួយនេះបានចេញមុខសរសេរសុំទោសលោក ព្រាប សុវត្ថិ ជាសាធារណៈនៅលើផេកហ្វេសប៊ុកខ្លួនថា ឆ្លើយតបនិងសុំទោស តារាចម្រៀងគំរូបងប្រុស ព្រាប សុវត្ថិ៕
កម្ពុជាថ្មី
ចាន់ ដារ៉ា
គង់ ច័ន្ទស្រីមុំ ព្រលះមួយទំហឹងលើបុគ្គលម្នាក់ ដែលតែងព្យាយាមនិយាយអាក្រក់ពីខ្លួន
ភ្នំពេញ ៖ រៀនមើលឃើញភាពល្អរបស់គេខ្លះទៅ ហើយក៏កុំភ្លេចត្រឡប់ទៅមើលទង្វើ និងភាពខ្វះខាតរបស់ខ្លួនឯងផងកុំសម្លឹងមើលអ្នកដទៃ តែក្នុងផ្លូវអាក្រក់រហូតពេក។ ខ្ញុំមិនមែនជាទេវតា ឬគ្រូចិត្តសាស្ត្រ ដែលអាចមើលឃើញចិត្តមនុស្សគ្រប់គ្នាទេ ត្រូវចាំថាខ្ញុំក៏ជាមនុស្សធម្មតាដូចគេគ្រប់គ្នាដែរ មិនមែនកើតមកនៅលើមេឃនោះទេ។ នេះជាសម្តីលើកឡើងរបស់តារាសម្តែងអ្នកនាង គង់ ច័ន្ទស្រីមុំ ដែលបានបញ្ចេញប្រតិកម្មលើបុគ្គលដែលព្យាយាមនិយាយអាក្រក់ពីខ្លួន។
តារាសម្តែង និងជាថៅកែស្រីវ័យក្មេងអ្នកនាង គង់ ច័ន្ទស្រីមុំ បាននិយាយទៀតថា ខ្ញុំពីមុនយ៉ាងម៉េចពេលនេះក៏នៅតែចឹងកុំប្រាប់អ្នកដទៃថា ខ្ញុំមិនដូចពីមុន ឬក៏ខ្ញុំប្លែកអ្នកគួរតែស្គាល់ខ្ញុំច្បាស់ហើយ។ធ្វើជាមនុស្សត្រូវរៀនបើកចិត្តឲ្យទូលាយ ហ៊ានទទួលយកនូវការរិះគន់ដើម្បីស្ថាបនា និងកែប្រែវាមិនមែនអង្គុយគិតថាខ្លួនឯងជាលេខមួយ ហើយបិទចិត្តមិនទទួលយកអ្វីគ្រប់យ៉ាងពីអ្នកជុំវិញខ្លួននោះទេ ប៉ះមិនបានបើហ៊ានតែនិយាយគឺខឹង និងអន់ចិត្ត។
ជាមួយគ្នានេះអ្នកនាង គង់ ច័ន្ទស្រីមុំ បានបញ្ជាក់បន្ថែមថា ការទ្រាំរបស់មនុស្សគឺមានព្រំដែន ខ្ញុំតែងតែផ្តល់ឱកាសឲ្យអ្នកគ្រប់ពេលលួងអ្នកគ្រប់ពេល តែអ្នកមិនចេះថែរក្សាវា ហើយបែរជាមើលទៅគេក្នុងផ្លូវមិនល្អទៅវិញ។ខ្ ញុំនិយាយអ្វីអ្នកលែងបានហើយមានតែទុកឲ្យពេលវេលាជាអ្នកចាត់ចែងទេ (ដល់ពេលហើយមើលទៅ)😔 ដល់ពេលវេលាដែលខ្ញុំត្រូវស្រឡាញ់គ្រួសារ និងប្តីឲ្យបានច្រើនវិញម្តង។
សូមបញ្ជាក់ថា នេះជាលើកទី២ហើយសម្រាប់តារាស្រីអ្នកនាង គង់ ច័ន្ទស្រីមុំ ដែលបង្ហាញពីអារម្មណ៍ខឹងខ្លាំងៗលើមនុស្សដែលរមិលគុណនាង។ ប៉ុន្តែយ៉ាងណាមិញមិនត្រូវបានតារាស្រីរូបនេះបញ្ជាក់ប្រាប់ពីឈ្មោះបុគ្គលនោះជានរណាម្នាក់ឡើយ តែបើតាមរយៈការស្តាប់ពាក្យសម្តីលើកឡើងពីសំណាក់តារាស្រីអ្នកនាង គង់ ច័ន្ទស្រីមុំ ខាងលើនេះ មានមជ្ឈដ្ឋានមហាជនជាច្រើនសន្និដ្ឋានថាមនុស្សដែលកំពុងធ្វើឲ្យ ស្រីមុំ ខឹងនោះ អាចជាមនុស្សស្និទ្ធស្នាល និងធ្លាប់រស់នៅមានទំនាក់ទំនងក្នុងរង្វង់ការងាររកស៊ីរបស់នាង ឬអាចជាមនុស្សធ្លាប់ធ្វើការងារឲ្យនាងទៀតផង៕
កម្ពុជាថ្មី
ចាន់ ដារ៉ា
បវរកញ្ញាបារាំង Iris Mittenaere ក្លាយជាម្ចាស់មកុដបវរកញ្ញាចក្រវាឡ
និស្សិតទន្តពេទ្យបារាំង Iris Mittenaere បានយកឈ្នះបវរកញ្ញា១២រូបផ្សេងដើម្បីគ្រងដំណែងជើងឯកបវរកញ្ញាចក្រវាឡ (Miss Universe) នាការប្រកួតនៅក្នុងទីក្រុងម៉ានីល ប្រទេសហ្វីលីពីន នៅថ្ងៃចន្ទ ទី៣០ ខែមករា នេះ។
Iris Matternaere អាយុ២៣ឆ្នាំ បានគ្រងមកុដបវរកញ្ញាចក្រវាទ្ប បន្តពី បវរកញ្ញាហ្វីលីពីន Pia Wurtzbach។ នៅវគ្គផ្តាច់ព្រ័ត្រ Mittenaere ដែលមកពីភាគខាងជើងប្រទេសបារាំង បានយកឈ្នះគូប្រជែងចុងក្រោយ២រូប គឺបវរកញ្ញាហៃទី Raquel Pelissier និងបវរកញ្ញាកូឡុំប៊ី Andrea Tovar។
បវរកញ្ញា១០រូបផ្សេងទៀតដែលឈានដល់វគ្គផ្តាច់ព្រ័ត្រនោះ មានបវរកញ្ញាកេនយ៉ា (Mary Esther Wre) ហ្វីលីពីន (Maxine Medina) ថៃ (Chalita Suansane) កាណាដា (Siera Bearchell) ម៉ិកស៊ិក (Kristal Silva) សហរដ្ឋអាមេរិក (Deshauna Barber) ប្រេស៊ីល (Raissa Santana) ឥណ្ឌូនេស៊ី (Kezia Warouw) ប៉ាណាម៉ា (Keity Drennan) និងប៉េរូ (Valeria Piazza)។
ជាមួយគ្នានេះ បវកញ្ញាមីយ៉ាន់ម៉ា Htet Htet Htun ឈ្នះពានរង្វាន់ Best National Costume៕
ថ្មីៗ
អត្ថបទ : ថ្មីៗ
តារាសម្ដែងដ៏ល្បីរបស់ថៃ លោក Tou Sedthawut តួឯកក្នុងរឿង «School Tales» មកជួបអ្នកគាំទ្រនៅកម្ពុជា
(ភ្នំពេញ)៖ តារាសម្ដែងដ៏ល្បី របស់ព្រះរាជាណាចក្រថៃ គឺលោក Tou Sedthawut ( តួ សិត្ថាវុធ) នៅរសៀលថ្ងៃទី០១ ខែកុម្ភៈ ឆ្នាំ២០១៧នេះ បានស្កាត់មកជួបអ្នកគាំទ្រ របស់ខ្លួន ដល់ប្រទេសកម្ពុជា ដើម្បីបង្កើនភាពស្និទ្ធស្នាល ក៏ដូចជាផ្សព្វផ្សាយរឿងថ្មីរបស់ខ្លួន មានចំណងជើងថា «School Tales ឬនិទានរឿងខ្មោច» នៅរោងភាពយន្ត Legend សាខាទួលគោក។
ក្នុងឱកាសនៃការមកដល់នៅថ្ងៃនេះ គេសង្កេតឃើញមានអ្នកគាំទ្រ របស់ប្រទេសកម្ពុជា ជាច្រើននាក់បានមកចូលរួមអបអរសាទរ ចំពោះវត្តមានរបស់តារាសម្ដែង លោក Tou Sedthawut យ៉ាងសប្បាយរីករាយ និងពោរពេញដោយភាពកក់ក្ដៅ។ ក្នុងនោះក៏មានការថតរូបអនុស្សាវរីយ៍ ជាមួយនឹងតារា ក្នុងដួងចិត្តរបស់ពួកគេ ផងដែរ។
ក្នុងជំនួបជាមួយអ្នកគាំទ្រ លោក Tou Sedthawut លើកថ្លែងថា លោកពិតជាមានក្ដីសប្បាយរីករាយ យ៉ាងខ្លាំង ពេលបានមកដល់ប្រទេសកម្ពុជា ជាពិសេសគឺជួបជាមួយអ្នកគាំទ្រ ដែលពោរពេញដោយស្នាមញញឹម និងផ្ដល់ភាពកក់ក្ដៅដល់រូបលោក ។ នេះជាលើកទី១ហើយ សម្រាប់ការមកកាន់ប្រទេសកម្ពុជា ដើម្បីជួបជាមួយអ្នកគាំទ្រ និងផ្សព្វផ្សាយរឿងថ្មី របស់ខ្លួន។ លោកបន្តថា រូបលោកពិតជាមានកម្លាំងចិត្ត នៅពេលឃើញសន្ទុះនៃការគាំទ្ររបស់ខ្លួន នៅក្រៅប្រទេស មានការកើនឡើង គួរឲ្យកត់សម្គាល់ ហើយលោកនឹងខិតខំរិះរកអ្វី ដែលថ្មី និងប្លែកសម្រាប់អ្នកគាំទ្រ មិនឲ្យខកបំណងឡើយ។
ដោយឡែកតំណាងរោងភាពយន្ត Legend បានឲ្យដឹងថា ថ្ងៃនេះ ក្រុមការងារពិតជាសប្បាយរីករាយ ដោយបានឃើញទស្សនិកជន ក៏ដូចជា Fan របស់រោងភាពយន្ត បានមកយ៉ាងច្រើនកុះករ ពេលដឹងថា តារាក្នុងដួងចិត្តរបស់ពួកគេ មកជួបផ្ទាល់នៅទីនេះ។ រោងភាពយន្ត Legend នឹងនៅតែបន្តគាំទ្ររាល់ស្នាដៃភាពយន្តនានា ជាពិសេសគឺភាពយន្តខ្មែរ ដើម្បីលើកកម្ពស់ភាពយន្តរបស់យើង ឲ្យកាន់តែល្អប្រសើរឡើង។
យ៉ាងណាមិញភាពយន្ត រឿង «School Tales ឬនិទានរឿងខ្មោច» ត្រូវបានរោងភាពយន្តមើលឃើញថា មានសន្ទុះនៃការគាំទ្រច្រើន ទើបសហការគ្នាជាមួយ Sabay MVP អញ្ជើញតួឯកប្រុសក្នុងរឿងនេះ គឺលោក Tou Sedthawut មកជួបអ្នកគាំទ្រ នៅកម្ពុជាតែម្ដង៕
Fresh News
James Jirayu នឹងមកជួបប្រិយមិត្តិកម្ពុជាជាថ្មីជាមួយការប្រគំតន្ត្រីដ៏ធំមិនធ្លាប់មាន
ភ្នំពេញ: កំពូលតារាសម្តែងដ៏ល្បីនៃប្រទេសថៃលោកJames Jirayu នឹងធ្វើដំណើរមកកាន់ទឹកដីនៃប្រទេសកម្ពុជាលើកទីពីរដើម្បីមកជួបជាមួយប្រិយមិត្ត និងអ្នកគាំទ្ររបស់ខ្លួននៅថ្ងៃទី ២៥ ខែកុម្ភៈខាងមុខនេះហើយ។
ដំណើរមកដល់របស់តារាសម្តែងថៃដ៏ល្បី James Ji លើកនេះ នឹងមានការប្រគំតន្ត្រីដ៏ធំ និងដំបូងគេដែលមានឈ្មោះថា James Ji 2017 ASEAN Tour Fan Meeting Phnom Penh នៅឯសាលមហោស្រពកោះពេជ្រ។
ការប្រគំតន្ត្រីដ៏អស្ចារ្យនេះនឹងមានការលក់សំបុត្រនៅ ២ ទីតាំង ដូចជា សណ្ឋាគារភ្នំពេញ និង អគារ LYP Group មហាវិថីម៉ៅ សេទុង។
កាលបរិច្ឆេទចាប់ផ្តើមដាក់លក់សំបុត្រពីថ្ងៃទី ០៨ ខែកុម្ភៈតទៅ ក្នុងតម្លៃ ១០ ដូល្លារ។
ដោយឡែកសម្រាប់សមាជិករបស់ PNN Privilege Club Card នឹងទទួលបានឱកាស និងតម្លៃពិសេស គឺអាចកក់សំបុត្រមុន ចាប់ពីថ្ងៃទី ០១ ដល់ថ្ងៃទី ០៧ ខែកុម្ភៈ ក្នុងតម្លៃត្រឹមតែ ៧ដូល្លារតែប៉ុណ្ណោះ។ សម្រាប់អ្នកដែលចង់កក់សំបុត្រ គ្រាន់តែផ្ញើលេខ ID PNN Privilege Club Card និងលេខទូរស័ព្ទ ចូលទៅកាន់គេហទំព័រ Pnn-Tv Cambodia ។
សូមបញ្ជាក់ដែរថា ការមកកាន់ទឹកដីនៃប្រទេសកម្ពុជារបស់ James Jirayu លើកនេះ គឺស្របពេលដែលខ្សែភាពយន្ត «សុភាពបុរសភុតធិផាត់» ដែលមានលោកJames Jirayu និងកញ្ញា Bella Ranee ជាតួអង្គឯក កំពុងតែចាក់បញ្ចាំងនៅលើកញ្ចក់ទូរទស្សន៍ភីអិនអិន។
ស្ថានីយទូរទស្សន៍ភីអិនអិន នឹងបន្តអញ្ជើញតារាល្បីៗរបស់ TV3 និង TVB មកសម្តែងនៅប្រទេសកម្ពុជា ដើម្បីឆ្លើយតបទៅកាន់ប្រិយមិត្ត និងអ្នកគាំទ្ររាប់លាននាក់៕
CEN
ដោយ: ក្រុមហ៊ុន
ភរិយា៖ ណូយ វ៉ាន់ណេត ចូលសាងផ្នួសមិនមែនគេចពីបំណុល
ការប្រកាសរបស់ភរិយាលោក ណូយ វ៉ាន់ណេត ដែលអះអាងថា នឹងរីករាយឲ្យស្វាមីសាងផ្នួសដល់យូរឆ្នាំ ឬមួយជីវិត បានធ្វើឲ្យមានមន្ទិលយ៉ាងខ្លាំងចំពោះមហាជន ខណៈម្ចាស់បទ «សម្រស់បុប្ផាកំពង់ធំ» រូបនេះ ដែលធ្លាប់មានរឿងអាស្រូវនឹងបំណុលមួយខ្យល់កាលពីពេលកន្លងទៅ ស្រាប់តែមកបួសដោយមិនកំណត់ពេលសឹក។ យ៉ាងណាមិញ ឆ្លើយតបនឹងបញ្ហានេះ ភរិយារបស់លោកបានបដិសេធ និងថាការសាងផ្នួសនេះ មិនមានរយៈពេលយូរទេ។
ក្នុងបទសម្ភាសន៍ជាមួយ VOD ក្រោយពីស្វាមីខ្លួនបានកោរសក់សាងផ្នួស អ្នកស្រី សោម ម៉ានី និយាយថា លោក ណូយ វ៉ាន់ណេត បានសម្រេចចិត្តបួសកាលពីព្រឹកថ្ងៃទី១ខែកុម្ភៈម្សិលមិញ នៅវត្តគល់ទទឹង ភូមិកោះក្របី (សង្កាត់ច្បារអំពៅ) ពិតប្រាកដមែន។ ប៉ុន្តែ មិនមែនដើម្បីគេចបំណុល ឬមានរឿងអាក្រក់ណា ដូចការលើកឡើងរបស់ពលរដ្ឋមួយចំនួននោះទេ។ អ្នកស្រីថា លោក ណូយ វ៉ាន់ណេត បួសគឺដើម្បីលាបំណន់ និងគ្មានជាប់ពាក់ព័ន្ធរឿងខូចចិត្តចាញ់ល្បែង ឬមានរឿងមិនសប្បាយនោះទេ។
អ្នកស្រីថា អ្នកស្រី មិនខឹងនឹងការលើកឡើងទាំងប៉ុន្មាននោះទេ ដោយសារតែភាពជាក់ស្ដែងគឺពេលតារាម្នាក់សម្រេចចិត្តបួសហើយមិនកំណត់ថ្ងៃសិក រមែងតែមានអ្នកនេះ យល់ថា បណ្ដាលមកពីបែបនេះឬបែបនោះ ទើបសម្រេចចិត្តលាឈប់ពីការងារប្រចាំថ្ងៃរបស់ខ្លួន។ អ្នកស្រីថា ស្វាមីសម្រេចចិត្តបួសជាថ្នូរនឹងការជាប់បំណន់ជាមួយខ្មោចម្ដាយ ដែលលោកបានសន្យាតាំងពីម្ដាយក្មេកអ្នកស្រីនៅមានជីវិតម្ល៉េះ ប៉ុន្តែចេះតែបានលើកពេលមួយឆ្នាំទៅមួយឆ្នាំ រហូតមកទល់នឹងម្ដាយរបស់លោកទទួលមរណភាព៧ឆ្នាំទៅហើយ។
អ្នកស្រី សោម ម៉ានី បន្តថាលោក ណូយ វ៉ាន់ណេត តែងមានសតិអារម្មណ៍ក្រោយជាប់សន្យា ហើយដោយសារមិនចង់បន្តជាប់មាត់ជាប់ករ ទើបសម្រេចផ្អាកចោលការងារគ្រប់ផ្នែក មិនថាសិល្បៈ និងបន្ទុកគ្រួសារ ហើយរត់ទៅបួសដើម្បីលាបំណន់។
អ្នកស្រីនិយាយថា៖ «គាត់បួស នឹងគឺលាបំណន់សុទ្ធសាធ អន់មានរឿងបំណុល ឬខូចចិត្តខូចថ្លើមអីទេ ឬពិបាកចិត្តអី ក៏អត់មានដែរ ហើយបើគាត់មានបញ្ហាអីរត់ទៅបួស គាត់មិនអាចទៅបួសចឹងទេ ហើយាត់បួសនឹងតែ១៥ថ្ងៃហ្នឹង គឺអត់លើសហ្នឹងទេ បើទោះជាខ្ញុំថា បានបានលើសហ្នឹង ឬបានដល់មួយជីវិតរឹតតែល្អក៏ដោយ និយាយទៅគាត់បួសគ្រាន់តែចង់លាមាត់ទេ»។
អ្នកស្រីថា លោក ណូយ វ៉ាន់ណេត ជាមេគ្រួសារតែបើលោកសម្រេចចិត្តបួសយូរឆ្នាំ ឬមួយជិវិតគឺចំណូលគ្រួសារអត់ប៉ះពាល់ទេ ដោយសារតែមុនលោកបួស គឺអ្នកស្រីបានរៀបជើងព្រួលពាក់ព័ន្ធនឹងមុខជំនួញ និងនិរន្តរភាពនៃប្រាក់ចំណូលរបស់គ្រួសាររួចហើយ។ អ្នកស្រីថា ខ្លួនមានហាងនាំចូលអាហារបំប៉ន និងមានផ្ទះជួលមួយកន្លែង ទើបអវត្តមានរបស់ លោក ណូយ វ៉ាន់ណេត ក្រោយពេលចូលបួស មិនជះឥទ្ធិពលចំពោះគ្រួសារ។ អ៊ីចឹងហើយ ទើបអ្នកស្រីបើកផ្លូវឲ្យលោកបួសលើស១៥ថ្ងៃ ឬដល់មួយជីវិតចង់សឹកក៏បាន។
អ្នកនាងនិយាយថា៖ «បើគាត់បួសរហូត ក៏អត់ប៉ះពាល់គ្រួសារអីដែរ ព្រោះហាងលក់អាហារបំប៉នខ្ញុំ និងកូនមើលខុសត្រូវបានហើយ ព្រោះរាល់ថ្ងៃចំណូលគាត់ច្រៀងហ្នឹងអត់សំខាន់ដូចមុនទេ ចឹងបានខ្ញុំថាបើគាត់ជ្រះថ្លានឹងការបួសហ្នឹង គឺខ្ញុំសប្បាយចិត្ត ហើយបើគាត់សឹក១៥ថ្ងៃក្រោយក៏តាមចិត្តគាត់ អ្វីៗសម្រេចលើគាត់!»។
អ្នកស្រី សោម ម៉ានី បន្តថារាល់ថ្ងៃអ្នកស្រី និងលោក ណូយ វ៉ាន់ណេត មានផ្ទះវីឡាមួយនៅទល់មុខវត្តនិរោធជួលបានមួយខែ៣ពាន់ដុល្លារ អ៊ីចឹងហើយទើបអ្នកស្រីបញ្ជាក់ថាការងារហ្នឹងគឺលោកសម្រេចយ៉ាងម៉េច គ្រួសារសប្បាយចិត្ត។ យ៉ាងណាមិញ អ្នកស្រីថាលោក ណូយ វ៉ាន់ណេត អត់បួសលើកំណត់នោះទេ ដោយលោកបានប្រាប់អ្នកស្រីថានឹងបួសតែ១៥ថ្ងៃ ឬ២សប្ដាហ៍ ដោយរាប់ពីថ្ងៃទី១ខែកុម្ភៈនឹងសឹកវិញ ដើម្បីបន្តការងារទាំងសិល្បៈ និងការងារគ្រប់គ្រងកូនចៅដូចដើម។
អ្នកស្រីនិយាយថា៖ «ខ្ញុំនិងកូនៗឲ្យគាត់បួសតាមចិត្ត តែគាត់និយាយហើយថា គាត់បួសតែ២អាទិត្យទេ ចឹងខ្ញុំក៏អត់បង្ខំចិត្តគាត់ដែរ!»។
អ្នកស្រីថា លោក ណូយ វ៉ាន់ណេត មិនទទួលទូរសព្ទអំឡុងពេលបួស ដោយអ្នកស្រីក៏នឹងជម្រាបស្វាមីតែកិច្ចការណាដែលត្រូវជម្រាបរាល់ការខលចូល ដើម្បីកុំឲ្យលោកគិតច្រើន។
អ្នកស្រីថា៖ «លោក (ព្រះសង្ឃ) អត់មានហាមគាត់មិនឲ្យកាន់ទូរសព្ទទេ តែគាត់ចង់ស្ងប់ចិត្ត ចឹងបើរឿងណាខ្ញុំដោះស្រាយបានខ្ញុំដោះស្រាយ ហើយបើរឿងណាទាល់តែគាត់ ចាំគាត់សឹកបានអោយដឹង!»។
អ្នកស្រីថា ក្នុងថ្ងៃលោក ណូយ វ៉ាន់ណេត បួសលាបំណន់ កូនប្រុសទី២របស់ខ្លួនឈ្មោះ ណេត វណ្ណនាថ អាយុជាង២០ឆ្នាំ ក៏បានបួសដែរ ដោយស្វាមី និងកូនប្រុសនឹងសឹកទន្ទឹមគ្នានៅគម្រប់១៥ថ្ងៃ បើទោះជាលោក ណូយ វ៉ាន់ណេត អាចនឹងមានការប្រែប្រួលបើលោកសប្បាយចិត្តហើយចង់បួសតលើសពីថ្ងៃកំណត់៕
VOD
ដោយ លោក វង្ស សុម៉ាលីន
អ៊ីណូ ព្រលះមួយទំហឹងលើគ្រូពេទ្យម្នាក់ នៅមន្ទីពេទ្យកុមារជាតិ ដែលប្រើសម្តីឈ្លើយ
ភ្នំពេញ ៖ តារាចម្រៀងចូលចិត្តលេងស្តាយល៍ សក់ខុសប្លែកពីតារាដទៃប្រចាំផលិតកម្មសាន់ដេ លោក អ៊ីណូ ថ្មីៗនេះ បានចេញវីដេអូព្រលះយ៉ាងម៉ាចាស់ដៃលើក្រុមគ្រួពេទ្យប្រចាំការនៅមន្ទីពេទ្យកុមារជាតិ ដែលប្រើពាក្យសម្តីហាក់មើលងាយអ្នកជំងឺ ពិសេសខ្លួនលោកផ្ទាល់តែម្តង។
តាមរយៈឃ្លីបវីដេអូបង្ហោះភ្ជាប់ជាមួយការសរសេរថា ខ្ញុំបាទ Eno មានរឿងមួយមិនសប្បាយចិត្ត សូមផ្ញើឃ្លីបនេះទៅ គ្រូពេទ្យមួយចំនួន។ នេះជាលើកទីមួយដែល Eno បានជួប ហួសចិត្តមន្ទីពេទ្យកុមារជាតិ ។ ខ្ញុំមិនសប្បាយចិត្តជាខ្លាំង ធ្លាប់តែឃើញគេបង្ហោះនៅក្នុងបណ្តាញសង្គមហ្វេសប៊ុកអំពីរឿងចរិតរបស់គ្រូពេទ្យ ដែលមិនសូវយកចិត្តទុកដាក់ជាមួយអ្នកជំងឺឬក្រុមគ្រួសារអ្នកជំងឺ។
តារាចម្រៀងលោក អ៊ីណូ បានបន្តទៀតថា ខ្ញុំក៏ជាតារាចម្រៀងម្នាក់ដែលចូលចិត្តធ្វើការងារមនុស្សធម៌ និងច្រៀងរៃអង្គាសជួយដល់មន្ទីពេទ្យគន្ធបុប្ផា និងការងារសង្គមផ្សេងៗដូចគ្នា។ ប៉ុន្តែពេលនេះអត់សប្បាយចិត្តគ្រាន់តែយកក្មួយបង្កើតខ្លួនឯងចូលទៅមន្ទីពេទ្យកុមារជាតិពាក់ម៉ាស់ពាក់មួក ហើយប្អូនស្រីខ្ញុំទាញកៅអីមកអង្គុយជិត គ្រូពេទ្យដើម្បីប្រឹក្សា យោបល់។ ប៉ុន្តែមានគ្រូពេទ្យម្នាក់ទៀត ស្រាប់តែស្តីបន្ទោសឲ្យប្អូនស្រីខ្ញុំថាគ្មានសិទ្ធិយកកៅអីនេះមកអង្គុយទេ។
លោក អ៊ីណូ បាននិយាយទៀតថា គ្រូពេទ្យម្នាក់នោះបាននិយាយថា យកកៅអីពីកន្លែងណាត្រូវដាក់ចូលកន្លែងនោះវិញ ព្រោះពេលអង្គុយរួចគ្មាននណារៀបចំនោះឡើយ។ ហេតុអ្វីបានជាគ្រូពេទ្យម្នាក់នេះគ្មានក្រមវិជ្ជាជីវៈជាគ្រូពេទ្យចឹង? ពេលឮសម្តីពេទ្យបែបនេះ ធ្វើឲ្យខ្ញុំបែរជាស្រឡាំងកាំង នឹកហួសចិត្តតែម្តង។
តារាចម្រៀងប្រុសបានបន្ថែមថា បើតាមខ្ញុំគឺគ្រូពេទ្យម្នាក់នោះឈ្លើយតែម្តងខ្ញុំហ៊ាននិយាយថា ឈ្លើយហើយក៏មិនធ្លាប់បានជួបចឹងដែរ តែដល់ពេលបានជួបរឿងបែបនេះហួយចិត្តហ្មង។មិនតែប៉ុណ្ណោះថែមទាំងដេញខ្ញុំចេញពីបន្ទប់ថា ពាក់មួកពាក់ម៉ាស់ចឹងចេញពីពេទ្យលឿនឡើងដល់ពេល ឮបែបនេះធ្វើឲ្យខ្ញុំស្ទើរស្រក់ទឹកភ្នែក៕
កម្ពុជាថ្មី
ចាន់ ដារ៉ា
ឈិត សុវណ្ណបញ្ញា ប្រកាសមិនចូលទ្រនំថ្មីក្រោយចេញពីហង្សមាស
 |
| តារាចម្រៀងកញ្ញា ឈិត សុវណ្ណបញ្ញា (វង្ស សុម៉ាលីន) |
ក្រោយប្រកាសជាចំហថាពិតជាមានរឿងឆ្អែតចិត្តនឹងទ្រនំហង្សមាសរហូតសម្រេចចិត្តចាកចេញ តារាចម្រៀងកញ្ញា ឈិត សុវណ្ណបញ្ញា បានអះអាងថា មិនមានគម្រោងហក់ចូលផលិតកម្មណាមួយជាថ្មីនោះទេ បើទោះជា លោក អ៊ិន ទីតូ ដែលធ្លាប់ជ្រោមជ្រែងកញ្ញានៅហង្សមាសបានចូលផលិតកម្មថោន ដែលអ្នកតាមដានយល់ថាកញ្ញានឹងអាចលេខមុខនៅក្នុងផលិតកម្មថោន។
កញ្ញាថាជំហរក្រោយចោលហង្សមាស គឺបង្កើតក្រុមចម្រៀងឯករាជ្យ ដោយបានទាំងចាត់ទុកថាការសម្រេចចិត្តជ្រកជាថ្មីក្រោមស្លាបផលិតកម្មណាមួយ នឹងមានលទ្ធផលមិនខុសគ្នានឹងរយៈពេលចុងក្រោយនៅផលិតកម្មហង្សមាសនោះផង។
ឈិត សុវណ្ណបញ្ញា បានអះអាងថាដោយសារតែមានសតិអារម្មណ៍ជាមួយទ្រនំរបស់ខ្លួន ទើបកញ្ញាបានដាក់ពាក្យសុំឈប់ ដោយមុនប្រកាសនៅលើហ្វេសប៊ុកកញ្ញាថា ខ្លួនបានទទួលលិខិតយល់ព្រមពីខាងហង្សមាសតាមពាក្យសុំឈប់នោះផង។
កញ្ញាថាខ្លួនដាច់កុងត្រាជាមួយហង្សមាសយូរក្រែលមកហើយ ប៉ុន្តែដរាបណាមិនមានឯកភាពអោយកញ្ញាលាឈប់ កញ្ញាក៏មិនអាចធ្វើអីក្នុងន័យប៉ះពាល់ផលិតកម្មហង្សមាសបានដែរ ជាពិសេសចំពោះការផុសដែលស្ដែងពីការចាកចេញក្នុងពេលផលិតកម្មហង្សមាសមិនទាន់យល់ព្រម។
កញ្ញានិយាយថា៖ «ខ្ញុំដាក់លិខិតសុំឈប់រួចហើយ ហើយខាងហង្សមាសក៏យល់ព្រមដែរ បានខ្ញុំហ៊ាននិយាយថាខ្ញុំឈប់ពីហង្សមាសហ្នឹង!»។
រយៈពេល១១ឆ្នាំនៅក្នុងផលិតកម្មហង្សមាស កញ្ញាថាមានរឿងគ្រប់គ្រាន់ទើបកញ្ញាសម្រេចចិត្តលាឈប់និងថាបើទោះជាហង្សមាសចង់ឃាត់ក៏មិនទទួលយក។ កញ្ញាលើកឧទាហរណ៍សាមញ្ញមួយថា ធៀបនឹងតារាចម្រៀងដែលចូលហង្សមាសមុននិងចូលក្រោយ សុទ្ធតែមានវ៉ុលចម្រៀងម្នាក់ឯង (Solo Album) តែកញ្ញាមិនធ្លាប់នោះទេ ដោយយល់ថាបណ្ដាលមកពីកញ្ញាមិនសមត្ថភាពតាមការចង់បានរបស់ហង្សមាស ទើបហង្សមាសមិនលើកស្ទួយកញ្ញាទាំងកញ្ញាប្រឹងប្រែងច្រើនមកហើយ។
កញ្ញាថាអត់ធ្មត់យូរណាស់មុនពេលសម្រេចចិត្តលាឈប់ ហើយក្រោយហង្សមាសយល់ព្រមអោយកញ្ញាលាឈប់ គឺកញ្ញាយល់ថានោះជាជម្រើសដ៏ល្អ។
យ៉ាងណាក៏ដោយ កញ្ញាថាមិនភ្លេចនូវការជ្រោមជ្រែងរបស់ហង្សមាសនាពេលកន្លងមកនោះទេ បើទោះជាប៉ុន្មានឆ្នាំចុងក្រោយ អារម្មណ៍ខកចិត្តបានកើតមានឡើងធ្វើអោយកញ្ញាមិនអាចទទួលយក។
ឈិត សុវណ្ណបញ្ញា ប្រកាសថាអត់មានគម្រោងពិចារណាហក់ចូលផលិតកម្មថោនឬសាន់ដេនោះទេ បើទោះជាឱកាសរបស់កញ្ញានឹងអាចចូលប្រឡូកអាជីពចម្រៀងជាតារាកុងត្រាក្នុងផលិតកម្មមួយចំណោមផលិតកម្មទាំងពីរដោយមិនពិបាក។
កញ្ញាថាមិនចង់ស្ថិតក្រោមសម្ពាធរបស់ផលិតកម្មណាមួយទៀតទេ បន្ទាប់ពីការហក់ចូលផលិតកម្មហង្សមាសរយៈពេល១១ឆ្នាំធ្វើអោយកញ្ញាយល់ថាគ្រប់គ្រាន់។
កញ្ញានិយាយថា៖ «ឥលូវហ្នឹងខ្ញុំអត់ទាន់គិតអីចេញទេ តែតាមមើលខ្ញុំអត់ចូលផលិតកម្មណាទេ ចង់នៅឯករាជ្យខ្លួនឯងវិញ អត់ចង់ចូលខាងនេះខាងនោះអីទេ!»។
ឈិត សុវណ្ណបញ្ញា មិនមែនជាតារាទី១ដែលបានសុំឈប់ពីហង្សមាសនោះទេ ដោយសារតែពេលកន្លងមក ក៏មានតារាច្រើននាក់មកហើយដើរចេញដូចជាលោក អេនឌី និងតារាចម្រៀង គឹម លក្ខិណា ជាដើម។ តែកញ្ញាត្រូវបានគេចាត់ទុកថាជាតារាដំបូងគេ ដែលហ៊ានដាក់ពាក្យចាកចេញក្នុងពេលហង្សមាសបើកយុទ្ធនាការប្រមែប្រមូលតារាចម្រៀងច្រើនឡើង ពីកម្មវិធីប្រលងចម្រៀងរបស់ខ្លួនអោយក្លាយជាតារាចម្រៀងជំនួសសកម្មភាពតារាចម្រៀងចាស់ៗ ដែលធ្វើអោយតារាទាំងនោះអន់ចិត្ត។
ជម្រើសដើរចេញរបស់កញ្ញាក៏ជះឥទ្ធិពលដល់មុខមាត់របស់ហង្សមាសផងដែរ ក្នុងពេលដែលក្រៅពីកញ្ញាក៏លេចឮថាតារាចម្រៀងមួយចំនួនទៀតដូចជា កញ្ញា សុន ស្រីពេជ្រ និង យក់ ឋិតរដ្ឋា ក៏ប្រកាសចង់លាឈប់ដែរ តែមិនទាន់ដាក់ពាក្យនោះ។
យ៉ាងណាមិញ លោក អ៊ឹង សុខលី មន្ត្រីហង្សមាសធ្លាប់អះអាងថា នោះជាការសម្រេចចិត្តរបស់តារាចម្រៀងម្នាក់ៗ ដោយការលាឈប់របស់តារាម្នាក់ៗមិនប៉ះពាល់ដល់ហង្សមាសនោះទេ។
ឈិត សុវណ្ណបញ្ញា បានអះអាងថាខ្លួនមិនចង់និយាយពីរឿងអន់ចិត្តមុនពេលដើរចេញពីហង្សមាសនោះទេ ដោយកញ្ញាបញ្ជាក់ថាអាចបណ្ដាលមកពីកញ្ញាមិនមានសមត្ថភាពគ្រប់គ្រាន់ ទើបការចាកចេញជាជម្រើសល្អបំផុតសម្រាប់កញ្ញានៅហង្សមាស។
កញ្ញាបានប្រកាសថានៅតែបន្តសកម្មភាពក្នុងនាមជាតារាចម្រៀង ថ្វីដ្បិតថាកញ្ញាមិនចូលផលិតកម្មណាមួយក្រោយពេលចាកចេញពីហង្សមាស។
កញ្ញាបញ្ជាក់ដដែលជាដដែលថា ផលិតកម្មថោនឬសាន់ដេ មិនមែនជាជម្រើសដែលកញ្ញាត្រូវតែចូលនោះទេដោយសារតែក្នុងផលិតម្មនោះក៏មានតារាចម្រៀងច្រើននាក់ដែលពិបាកអោយកញ្ញាគេចរួចពីការអន់ចិត្តមិនខុសគ្នានឹងនៅផលិតកម្មចាស់។
យ៉ាងណាមិញ កញ្ញាថាអះអាងថាខ្លួនមានគម្រោងច្បាស់លាស់រួចហើយពាក់ព័ន្ធជំហានបន្ត ដោយគ្រាន់តែកញ្ញាមិនទាន់ចង់បង្ហើប៕
VOD
ដោយ លោក វង្ស សុម៉ាលីន
អ៊ិត ស្រីពីន ទ្រាំពុំបានចេញមុខជេរកប់ៗ ចំពោះមនុស្សស្រី ដែលចូលចិត្តដណ្ដើមប្ដីគេ
ភ្នំពេញ ៖ អតីតតារាចម្រៀងស្រីធ្លាប់ល្បីឈ្មោះនៅស្រុកខ្មែរ អ្នកនាងអ៊ិត ស្រីពីន ថ្មីៗនេះបានបញ្ចេញប្រតិកម្មខឹងសម្បាយ៉ាងខ្លាំងៗ ក្រោយពីប៉ុន្មានថ្ងៃនេះមានតែព័ត៌មានដណ្ដើមយកប្តីគេហើយមិនត្រឹមតែប៉ុណ្ណោះថែមទាំងថតវីដេអូឌឺដងថ្លែផ្កាប្រពន្ធដើមរបស់គេទៀត។
អ្នកនាង អ៊ិត ស្រីពីន បាននិយាយទាំងកំហឹងថា ចង់ជេរពួកមីយកប្តីគេម្តង។ ប៉ុន្មានថ្ងៃនេះឲ្យបើកហ្វេសប៊ុកពេលណា ឃើញតែរឿងយកប្តីគេ ហើយមីម្នាក់ទៀតនោះមានប្តីហើយ ឆ្លៀតមានសាហាយដល់ទៅ២នាក់ទៀត អីសម្បូរម្ល៉េះឥឡូវនេះ។ ទ្រាំមិនបានទេថ្ងៃនេះចេញវីដេអូជេរម្តងមើលដើម្បីពួកមីស្រីយកប្តីគេបានឃើញ។
អ្នកនាង អ៊ិត ស្រីពីន បាននិយាយទៀតថា សម្បើមដៃខ្លាំង ដែលនាងមិនត្រឹមតែយកប្តីគេទេ ថែមទាំងថតវីដេអូបង្ហោះឌឺដឹងគេទៀត អីក៏ខ្លាំងដៃម៉្លេះ។ ស្រឡាញ់ណាស់ពួកមីយកប្តីគេតើវាឆ្ងាញ់ត្រង់ណា បានជាចូលចិត្តរបស់គេម៉្លេះ?ឬមួយក៏ទឹកលុយដល់ ទើបបានជាសុខចិត្តយកប្តីគេអញ្ចឹង?យីពួកមីប្រេតនរកអស់នេះ។
អតីតតារាច្រៀងដែលបច្ចុប្បន្នកំពុងរួមរស់សាងសុភមង្គលជាមួយស្វាមីនៅសហរដ្ឋអាមេរិកអ្នកនាង អ៊ិត ស្រីពីន បានលើកឡើងទៀតថា នេះមកពីខ្ញុំទ្រាំមិនបាន ទើបចេញវីដេអូជេរយ៉ាងដូច្នេះព្រោះប៉ុន្មានថ្ងៃនេះ ឲ្យបើហ្វេសប៊ុក ពេលណា ឃើញរឿងដូច្នេះ ហើយខ្ញុំក៏មិនដែលដើរជេរនរណាគ្មានហេតុផលនោះដែរ តែនេះទ្រាំមិនបានទើបចឹង។ ថាបើស៊ីរបស់គេក៏ស៊ីទៅ តែឲ្យវាស្ងាត់ តែនេះអត់ផងពួកមីប្រាស់ស្រុកអស់នេះ ត្រូវថាឈ្មោះឲ្យវាមីច្រវាក់ផែ។
សូមបញ្ជាក់ថា នេះមិនមែនតែអតីតតារាចម្រៀងអ្នកនាង អ៊ិត ស្រីពីន ម្នាក់នោះទេ ដែលបានចេញមុខប្រតិកម្មជេរលើករណីខាងលើនេះ ពោលសូម្បីតែតារាសម្តែង និងហ្វេសប៊ុកល្បីឈ្មោះ Pey Pey Dy មុននេះ ក៏បានចេញឃ្លីបវីដេអូប្រតិកម្មជេរយ៉ាងចាស់ដៃលើមនុស្សស្រីដែលដណ្តើមប្តីរបស់អ្នកដទៃផងដែរ៕
កម្ពុជាថ្មី
ចាន់ ដារ៉ា
រូបថត Beyonce ដែលពរពោះទទួលបានការ Like ជាង៩លាននៅ Instagram
រូបថតពរពោះកូនទីពីររបស់តារាចម្រៀង Beyonce នៅលើបណ្តាញសង្គម Instagram ទទួលបានបេះដូង (ការLike) ជាកំណត់ត្រា។ ពោលត្រឹមតែបីថ្ងៃប៉ុណ្ណោះ រូបថតនេះ មានការចុច Like រហូតដល់ទៅជាង៩លានឯណោះ។
កាលពីថ្ងៃទី១ ខែកុម្ភៈ តារាចម្រៀងលំដាប់ពិភពលោក Beyonce បានបង្ហោះរូបថតខ្លួនពរពោះជាមួយស្វាមី គឺ Jay Z ដែលជាអ្នកចម្រៀងរ៉េប និងជាអ្នកជំនួញ ដោយអះអាងជាកូនភ្លោះ បន្ទាប់ពីកូនស្រីអាយុ៥ឆ្នាំ Blue Ivy Carter។ រូបថតនេះ មានការផ្តល់សញ្ញាបេះដូងរហូតដល់ទៅជាង៩លាន ដោយគិតត្រឹមថ្ងៃទី៣ ខែកុម្ភៈ។
ចំនួននៃការចុច Like លើរូបថត Beyonce លើ Instagram បានបំបែកកំណត់ត្រារូបថតរបស់តារាចម្រៀង Selena Gomez ។ រូបថតផឹកកូកាកូឡារបស់ Gomez ដែលបង្ហោះកាលពី៣១សប្តាហ៍មុន មានការចុច Like ជាង៦លាន៕
ថ្មីៗ
អត្ថបទ : ធីតា
Sunday, February 5, 2017
លោក សម រង្ស៊ី ថា លោក ហ៊ុន សែន ព្យាយាមរំលាយបក្សប្រឆាំងព្រោះដឹងថាចាញ់
 |
| លោក សម រង្ស៊ី បានលើកឡើងថា លោកនាយករដ្ឋមន្ត្រី ហ៊ុន សែន ព្យាយាមរំលាយបក្សប្រឆាំងព្រោះដឹងថាចាញ់ |
មេដឹកនាំបក្សប្រឆាំង លោក សម រង្ស៊ី បានលើកឡើងថា លោកនាយករដ្ឋមន្ត្រី ហ៊ុន សែន បានព្យាយាមរំលាយគណបក្សប្រឆាំងរបស់លោក ដោយសារតែបក្សកាន់អំណាចមិនអាចឈ្នះការបោះឆ្នោតនាពេលខាងមុខ។
នៅក្នុងកិច្ចប្រជុំសម័យដែលមានតែតំណាងរាស្ត្របក្សកាន់អំណាចចូលរួមកាលពីថ្ងៃទី៣១ ខែមករា លោកនាយករដ្ឋមន្ត្រី ហ៊ុន សែន បានព្រមានរឹបអូសទ្រព្យសម្បត្តិលោក សម រង្ស៊ី និងជំរុញទៅរដ្ឋសភា ឲ្យកែប្រែច្បាប់គណបក្សនយោបាយ ដើម្បីរាំងខ្ទប់ជីវិតនយោបាយរបស់លោក សម រង្ស៊ី។
ជាការឆ្លើយតបនឹងការព្រមាននេះ លោក សម រង្ស៊ី ដែលកំពុងរស់នៅឯក្រៅប្រទេសនោះ បានរៀបរាប់នៅលើទំព័រហ្វេសប៊ុករបស់លោកថា លោកនាយករដ្ឋមន្ត្រី ហ៊ុន សែន ធ្លាក់ទឹកចិត្តយ៉ាងខ្លាំង បន្ទាប់ពីលទ្ធផលនៃការបោះឆ្នោតកាលពីឆ្នាំ២០១៣។
លោកបន្តថា លោកនាយករដ្ឋមន្ត្រី ហ៊ុន សែន បានព្យាយាមរំលាយគណបក្សសង្គ្រោះជាតិ ដោយសារតែដឹងថា មិនអាចឈ្នះបក្សនេះ នៅក្នុងការបោះឆ្នោតខាងមុខ។
គណបក្សប្រជាជនកម្ពុជា ដែលគ្រប់គ្រងប្រទេសកម្ពុជាអស់រយៈពេលជាង ៣០ឆ្នាំមកហើយនោះ បានបាត់បង់អាសន្នចំនួន ២២ ទៅគណបក្សសង្គ្រោះជាតិ នៅក្នុងការបោះឆ្នោតជាតិកាលពីឆ្នាំ២០១៣កន្លងមក៕
VOD
ដោយ លោក សូរ្យ ជ័យឧត្ដម
តុលាការមិនទាន់មានវិធានការឃាត់ខ្លួនអតីតប៉ូលិសស្រុកស្អាង៣នាក់នៅឡើយ
តុលាការខេត្តកណ្ដាល មិនទាន់មានវិធានការដើម្បីឃាត់ខ្លួនអតីតមន្ត្រីប៉ូលិសស្រុកស្អាង ៣នាក់ដែលពាក់ព័ន្ធក្នុងករណីឃាតកម្មលើបុរសម្នាក់នៅឡើយទេ ប៉ុន្តែតុលាការបានបិទបញ្ចប់ការសាកសួរសាក្សីបន្ថែមរួចរាល់ហើយ។ ការអះអាងពីមន្ត្រីតុលាការខេត្តកណ្ដាល ស្របពេលរដ្ឋមន្ត្រីក្រសួងមហាផ្ទៃ សម្រេចបណ្ដេញប៉ូលិសស្រុកស្អាង ទាំង ៣នាក់នោះចេញពីក្របខ័ណ្ឌមន្ត្រីរាជការ។
សំណុំរឿងមន្ត្រីប៉ូលិសស្រុកស្អាង ៣នាក់ដែលរងការចោទប្រកាន់ថា ព្រួតគ្នាវាយបុរសម្នាក់រហូតដល់ស្លាប់កាលពីជាង ៣ខែមុន ត្រូវបានមន្ត្រីតុលាការខេត្តកណ្ដាល អះអាងថា គឺខាងតុលាការកំពុងរង់ចាំការយល់ព្រមចូលឆ្លើយបំភ្លឺពីភាគីចុងចោទ។
ព្រះរាជអាជ្ញារងអមសាលាដំបូងខេត្តកណ្ដាល លោក សំរិទ្ធ វាសនា ប្រាប់អាស៊ីសេរីនៅថ្ងៃទី៤ កុម្ភៈ ថា តុលាការបានបញ្ចប់ការសាកសួរសាក្សីបន្ថែម ពាក់ព័ន្ធនឹងសំណុំរឿងមន្ត្រីប៉ូលិសវាយបុរសម្នាក់ស្លាប់នៅស្រុកស្អាង នោះហើយ។ លើសពីនេះ តុលាការក៏ធ្លាប់ចេញដីកាឲ្យចុងចោទមកឆ្លើយបំភ្លឺដែរ ប៉ុន្តែត្រូវបានមេធាវីការពារក្ដីឲ្យចុងចោទ ស្នើសុំលើកពេល៖ «ពាក់ព័ន្ធនឹងមូលហេតុ សាកសួរមេធាវីគេទៅ! ខ្ញុំឥតមានទៅលើករឿងមូលហេតុគេសុំម៉េចៗ ពាក់ព័ន្ធសំណុំរឿងហ្នឹង។ ឥឡូវខ្ញុំកំណត់កាលបរិច្ឆេទសិន ហៅអ្នកទាំង ៣ ចូលឡើងវិញ»។
ពាក់ព័ន្ធនឹងមូលហេតុស្នើសុំលើកពេលទៅឆ្លើយបំភ្លឺនៅតុលាការនេះ អាស៊ីសេរីមិនអាចសុំការបកស្រាយពីមេធាវីការពារក្ដីឲ្យចុងចោទ លោក ម៉ក់ ប៊ុណ្ណា បានទេនៅថ្ងៃទី៤ កុម្ភៈ ដោយទូរស័ព្ទចូលហើយ បានដាច់ទៅវិញ។
កាលពីថ្ងៃទី២១ ខែតុលា ឆ្នាំ២០១៦ បុរសម្នាក់ឈ្មោះ ចំរើន សីហា អាយុ ២៦ឆ្នាំ បានស្លាប់នៅមន្ទីរពេទ្យក្រុងតាខ្មៅ និងបុរសម្នាក់ទៀតឈ្មោះ ទិត្យ លាភ អាយុ ២២ឆ្នាំ បានរងរបួសធ្ងន់ បន្ទាប់ពីពួកគេត្រូវបាននគរបាលស្រុកស្អាង ៣នាក់ព្រួតគ្នាវាយដំ ក្រោយពីមានជម្លោះជិះម៉ូតូជែងគ្នា ហើយត្រូវបាននគរបាលចោទថាជាចោរប្លន់។
ប៉ូលិសទាំង ៣នាក់រួមមាន អនុសេនីយ៍ទោ ភក្ដី វិទូ អធិការរងនៃអធិការដ្ឋាននគរបាលស្រុកស្អាង អនុសេនីយ៍ទោ ឆៃ ស៊ីណា នាយផ្នែកអន្តោប្រវេសន៍នៃអធិការដ្ឋាននគរបាលស្រុកស្អាង និងអនុសេនីយ៍ត្រី ឃាង សុងថេង នាយរងផ្នែកពិនិត្យ និងវិភាគកន្លែងកើតហេតុនៃអធិការដ្ឋាននគរបាលស្រុកស្អាង ដែលកំពុងរងការចោទប្រកាន់សម្លាប់បុរសម្នាក់ ត្រូវបានអាជ្ញាធរស្រុកស្អាង ធ្លាប់បញ្ជាក់ថា ពួកគេបានលាក់មុខរហូត និងមិនដែលឃើញវត្តមាននៅកន្លែងបំពេញការងារឡើយចាប់ពីថ្ងៃកើតហេតុមក។
ពាក់ព័ន្ធនឹងមន្ត្រីប៉ូលិសទាំង ៣នាក់នេះ នៅថ្ងៃទី១៨ ខែមករា ឆ្នាំ២០១៧ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស ខេង បានចេញប្រកាសបណ្ដេញចេញពីក្របខ័ណ្ឌមន្ត្រីនគរបាលជាតិ ដោយមូលហេតុបោះបង់ការងារចោល។ បន្ថែមពីនេះ ប្រាក់បៀវត្សរ៍ និងរបបឧបត្ថម្ភផ្សេងៗរបស់ពួកគេ ក៏ត្រូវកាត់ផ្ដាច់ពីក្របខ័ណ្ឌនគរបាលជាតិដែរ។
មន្ត្រីសម្របសម្រួលសមាគមការពារសិទ្ធិមនុស្សអាដហុក (ADHOC) ប្រចាំខេត្តកណ្ដាល លោក ម៉ែន មករា បញ្ជាក់ថា ការបណ្ដេញមន្ត្រីទាំងនោះចេញពីក្របខ័ណ្ឌមន្ត្រីរាជការ គឺគ្រាន់តែជាការពិន័យតាមផ្នែករដ្ឋបាលប៉ុណ្ណោះ រីឯតាមគោលការណ៍ច្បាប់វិញ ប្រសិនបុគ្គលប្រព្រឹត្តបទល្មើសជាក់ស្ដែង មិនថាជាមន្ត្រីរាជការ ឬជាតំណាងរាស្ត្រ គឺត្រូវតែឃាត់ខ្លួនទៅដាក់ទោសទណ្ឌតាមផ្លូវច្បាប់៖ «ប្រសិនតុលាការយល់ថាជនទាំង ៣នាក់ គឺជាជនល្មើស អ៊ីចឹងតុលាការនឹងធ្វើតាមនីតិវិធីច្បាប់ ចេញដីកាឃាត់ខ្លួនដើម្បីឲ្យសមត្ថកិច្ចមានសិទ្ធិបំពេញការងារ»។
ការស្វែងរកឃាត់ខ្លួនមន្ត្រីប៉ូលិសទាំង ៣នាក់ ត្រូវបានស្នងការខេត្តកណ្ដាល លោក អ៊ាវ ចំរើន បញ្ជាក់ថា គឺទាល់តែមានលិខិត ឬដីកាពីតុលាការជាមុនសិន៖ «បើតុលាការមិនទាន់ចេញលិខិតឲ្យខ្ញុំសព្វគ្រប់ផង ហើយឲ្យខ្ញុំទៅធ្វើម៉េច»។
ថ្វីត្បិតតែមន្ត្រីនគរបាលទាំង ៣នាក់ ត្រូវបានបណ្ដេញចេញពីក្របខ័ណ្ឌមន្ត្រីរាជការ និងធ្លាប់ផ្ដល់សំណងចំនួន ២ម៉ឺនដុល្លារសហរដ្ឋអាមេរិកទៅឲ្យគ្រួសារជនរងគ្រោះក្ដី ប៉ុន្តែនាយកអង្គការក្រុមអ្នកច្បាប់ការពារសិទ្ធិកម្ពុជា ហៅកាត់ថា ស៊ី.ឌី.ស៊ី (CDC) លោកមេធាវី ហុង គឹមសួន ធ្លាប់ប្រាប់អាស៊ីសេរីថា ប្រសិនតុលាការរកឃើញថា ប៉ូលិសទាំង ៣នាក់ប្រព្រឹត្តបទល្មើសព្រហ្មទណ្ឌកម្រិតធ្ងន់សម្លាប់មនុស្សដោយចេតនា តាមផ្លូវច្បាប់ ពួកគេប្រឈមនឹងជាប់ពន្ធនាគាររយៈពេល ៣០ឆ្នាំ។
អ្នកច្បាប់រូបនេះក៏បន្ថែមថា ទោសនឹងត្រូវអនុវត្តចំពោះប៉ូលិសទាំង ៣នាក់នោះតាមច្បាប់ព្រហ្មទណ្ឌ ថ្វីត្បិតតែមានការទូទាត់សំណងក្ដី ព្រោះសំណងនោះគ្រាន់តែជាសងជាជំងឺចិត្តទៅឲ្យក្រុមគ្រួសារជនរងគ្រោះប៉ុណ្ណោះ និងមិនអាចបញ្ចប់នីតិវិធីត្រឹមលុយកាក់ឡើយ៕
RFA
ដោយ រាជ វិញ្ញូ
ពលរដ្ឋស្រុកវាលវែងខេត្តពោធិ៍សាត់ប្រទះឃើញគ្រាប់មិនទាន់ផ្ទុះជាង១ពាន់គ្រាប់
 |
| គ្រាប់ផ្លោងធុន ៦០មិល្លីម៉ែត្រ និងគ្រាប់បែកដៃដែលគេប្រទះឃើញនៅក្នុងតំបន់ព្រៃសហគមន៍សង្ឃរុក្ខវ័ន្ត នៃក្រុងសំរោង ខេត្តឧត្តរមានជ័យ ថ្ងៃទី១៩ ខែតុលា ឆ្នាំ២០១៦។ រូបថតសហគមន៍ |
អាជ្ញាធរ និងនគរបាលស្រុកវាលវែង ខេត្តពោធិ៍សាត់ អំពាវនាវដល់ពលរដ្ឋដែលតាំងទីលំនៅថ្មី ឬត្រួសត្រាយដីព្រៃដើម្បីធ្វើកសិកម្ម ត្រូវប្រុងប្រយ័ត្នចំពោះយុទ្ធភណ្ឌមិនទាន់ផ្ទុះកប់ក្នុងដីដែលបន្សល់ទុកពីសម័យសង្គ្រាម។ ការក្រើនរំឭករបស់អាជ្ញាធរមានសមត្ថកិច្ចនេះ បន្ទាប់ពីគេប្រទះឃើញគ្រាប់ជាច្រើនប្រភេទជាង ១.០០០គ្រាប់ នៅភូមិចម្ការជ្រៃខាងជើង ឃុំអន្លង់រាប។
អ្នកភូមិនៃឃុំអន្លង់រាប ស្រុកវាលវែង បារម្ភពីគ្រោះថ្នាក់ដោយសារគ្រាប់មីន ឬយុទ្ធភណ្ឌមិនទាន់ផ្ទុះ ដោយអ្នកភូមិខ្លះមានគ្រោះថ្នាក់ និងប្រទះឃើញគ្រាប់មិនទាន់ផ្ទុះនៅក្នុងមូលដ្ឋានពួកគេជាបន្តបន្ទាប់។
ពលរដ្ឋម្នាក់រស់នៅភូមិចម្ការជ្រៃខាងជើង ឃុំអន្លង់រាប លោក ធៀប មាស ឲ្យដឹងនៅថ្ងៃទី៤ ខែកុម្ភៈ ថា រូបលោក និងពលរដ្ឋជាច្រើនទៀតនៅស្រុកវាលវែង ប្រឈមនឹងគ្រោះថ្នាក់ដោយសារគ្រាប់មិនទាន់ផ្ទុះច្រើនជាងការប្រឈមបញ្ហាផ្សេងទៀត ព្រោះអ្នកស្រុកភាគច្រើនចូលព្រៃធ្វើស្រែចម្ការ ដើម្បីចិញ្ចឹមជីវិត។ លោកកាន់តែភ័យខ្លាចចំពោះគ្រាប់មីន ក្រោយពីគេប្រទះឃើញគ្រាប់ជាច្រើននៅភូមិលោក៖ «ប៉ុន្មានថ្ងៃមុនឮព័ត៌មានថា ប្រជាពលរដ្ឋទៅជីកគល់បេងម៉េច ប៉ះមីនផ្ទុះងាប់ តែបើអត់ធ្វើទៅ វាអត់។ ខ្ញុំត្រាយព្រៃធ្វើចម្ការដាំដូចជាល្ង និងពោត អី។ បើគេបានមកធ្វើការរាល់ខែ រាល់ថ្ងៃទៅវាគង់តែប្រជាជនយើងអាចហ៊ានដើរអត់ញញើត»។
ទាក់ទងបញ្ហានេះ អធិការនគរបាលស្រុកវាលវែង លោក ធាង ឡេង បញ្ជាក់ថា គ្រាប់ដែលបានប្រទះឃើញទាំងនោះ ត្រូវកម្លាំងសមត្ថកិច្ចចម្រុះសហការជាមួយមន្ត្រីជំនាញស៊ីម៉ាក់ (CMAC) កម្ទេចចោលអស់ហើយកាលពីថ្ងៃទី៣០ ខែមករា។ លោកថា ក្នុងឆ្នាំ២០១៦ មានករណីផ្ទុះមីន ៦ករណី បណ្ដាលឲ្យពលរដ្ឋស្លាប់ និងរបួសដាច់ដៃជើងជាច្រើននាក់ ជាពិសេសកើតឡើងនៅឃុំអន្លង់រាប៖ «អូ! អាហ្នឹងសម្បូរណាស់នៅស្រុកខ្ញុំនេះ នៅអន្លង់រាប តំបន់គ្រាប់ច្រើនជាងគេហើយ មានដាច់ដៃ ដាច់ជើង ងាប់អ៊ីចឹងជាញឹកញយអ៊ីចឹងដែរ។ ខាងស៊ីម៉ាក់ និងហេឡូត្រាស់ សម្អាតតែរហូតតើ!»។
គ្រាប់ដែលអ្នកភូមិចម្ការជ្រៃខាងជើង នៃឃុំអន្លង់រាប ប្រទះឃើញនោះមាន ៧ប្រភេទ សរុបចំនួន ១.១៥០គ្រាប់ ដូចជាគ្រាប់ប្រភេទត្បាល់ ១២០មិល្លីម៉ែត្រ និងគ្រាប់ប៉ូតែត ភីជី ៧ (PG7) ជាដើម។
អាស៊ីសេរី មិនអាចសុំការអត្ថាធិប្បាយពីមន្ត្រីជំនាញស៊ីម៉ាក់ (CMAC) ម្នាក់ដែលគេស្គាល់ថាជាប្រធានគ្រប់គ្រងផ្នែកដោះមីនប្រចាំនៅស្រុកសំឡូត ខេត្តបាត់ដំបង និងស្រុកវាលវែង ខេត្តពោធិ៍សាត់ ជុំវិញបញ្ហានេះបានទេ នៅថ្ងៃទី៤ ខែកុម្ភៈ ដោយលោកប្រាប់ថាកំពុងជាប់ប្រជុំ។ ប៉ុន្តែទាំងអធិការ និងអភិបាលស្រុកវាលវែង អះអាងថា មន្ត្រីដោះមីនស៊ីម៉ាក់ និងហេឡូត្រាស់ (HELLOTRUST) កំពុងប្រតិបត្តិការដោះមីននៅឃុំថ្មដា និងក្បែរព្រំដែនខ្មែរ-ថៃ ក្នុងស្រុកវាលវែង។
អភិបាលស្រុកវាលវែង លោក ហេង សុភាណា អំពាវនាវឲ្យពលរដ្ឋ ជាពិសេសកសិករបង្កើនការប្រុងប្រយ័តចំពោះបញ្ហាគ្រាប់មីន ឬយុទ្ធភណ្ឌមិនទាន់ផ្ទុះនៅពេលចូលធ្វើស្រែចម្ការ ឬតាំងទីលំនៅលើដីថ្មី៖ «មុននឹងអាស្រ័យផល ឬដាំដុះអីហ្នឹងធ្វើម៉េចទាក់ទងខាងមន្ត្រីជំនាញទៅរកមីន មានទាំងស៊ីម៉ាក់ ឬអ្នកពាក់ព័ន្ធក្នុងការរុករកមីនឲ្យមកជួយ ដើម្បីធ្វើម៉េចបងប្អូនយើងអាចអាស្រ័យផលទៅមានសុវត្ថិភាព»។
ទឹកដីស្រុកវាលវែង ខេត្តពោធិ៍សាត់ ជាប់ព្រំប្រទល់ស្រុកសំឡូត ខេត្តបាត់ដំបង គឺជាសមរភូមិក្ដៅចុងក្រោយរបស់ទាហានខ្មែរក្រហម តស៊ូប្រយុទ្ធជាមួយទាហានរបស់រដ្ឋាភិបាលនៅចុងឆ្នាំ១៩៩៨៕
RFA
ដោយ ជិន ជេដ្ឋា
Subscribe to:
Posts (Atom)
ព័ត៌មានសំខាន់ៗ
DEVOpenBlogger